張學友、陳奕迅、梁漢文、方力申及鄭欣宜等昨日為下月初舉行的三場慶祝佛教活動灌錄合唱歌《佛誕吉祥》，歌曲找來顧嘉煇作曲、林夕填詞，期間多位歌手獲僧人送上佛珠鏈保健康。
屬不幸中之大幸
忙於與湯唯拍攝電影《月滿軒尼詩》的學友為配合角色特別剪短髮，他說：「囡囡初初都唔接受，不過慢慢就習慣。」對於衞詩（Jill）要在獄中度生日，學友說：「屋企人梗係辛苦同擔心，件事發生咗只有等，希望後生仔小心啲，做嘢要諗後果。」學友坦言事件已是不幸中之大幸：「好多東南亞地方係會死刑，無論點都希望輕判，不過各處鄉村各處例。」
學友大方透露有意作為教女的題材，他說：「呢件事係強烈反面教材，如果囡囡係十幾歲，我日日畀報紙佢睇，等佢知咩叫嚴重性。（Jill畀公司解約？）老闆係普羅大眾。（關楚耀已返港，Jill仲喺日本，覺唔覺得唔公平？）公唔公平係審訊同結果。」
欣宜佛歌慰亡母
梁漢文問到其收到的佛珠鏈是否保生仔？身旁的陳奕迅笑說：「呢排又歐聯又英超，男人唔得閒，不過我冇質疑過佢嘅能力。」對於Jill即將生日，兩人齊送上祝福。而欣宜表示雖然沒有宗教信仰，但知道媽咪信佛，她說：「錄完首歌都播畀佢聽。」
文：音樂組