周秀娜（Chrissie）近日「一除成名」，惹來電車男在facebook紛紛示愛之餘，「見面價」亦急升至十萬，曾被邀請出席富豪飯局的Chrissie，今非昔比，還笑言開價1000萬元，帶男友和屋企人「闔府統請」才會出席！
近日Chrissie在街上除剩比堅尼的廣告引來很大回響，結果人氣急升，昨日她出席XBox 360活動，化身Star Ocean the Last Hope的女主角，與現場觀眾對打遊戲機，一身低胸露罅裝扮，惹來現場不少龍友狂拍。她謙虛謂不覺自己特別多電車男fans，但透露近日在facebook收到不少示愛訊息：「佢哋問可唔可以一齊食飯，做朋友，又問我攞電話，話好鍾意我。（男友會唔會呷醋？）我無話畀佢知，我當佢哋係朋友啫！」她又稱平日在facebook只會放一些生活照，不會放上性感照。
直認曾被問價出埠
日前Chrissie接受ontv主持陳振安和俞詠雯娛樂on Show專訪時，坦承曾被邀請出席富豪飯局，她說：「係有人約過我食飯，（有冇覺得好奇怪？）都覺，但無深入討論，對方無講明為乜要食飯，不過女仔天生好敏感，大概都估到對方來意，自己都會拒絕，（有冇人向你問價出埠玩？）有試過問，仲係好直接咁問，我就好直接答話唔好。」昨日問她的飯局價是否一樣「人紅價高」？她說：「都想知個價有幾高，我心目中係無價嘅，不過如果有人肯畀1000萬食餐飯都可以去吓，帶埋男友及屋企人一齊去，又食又拎。」她隨即自爆去年在facebook收到朋友留言，稱有老闆願意開價五位數跟她見面，最近Chrissie再收到此朋友的留言，對方竟自動加價至十萬元，但她依然不予理會。
趙碩之遭強留飲嘢
另一位人氣女模趙碩之昨日在電話訪問中亦謂曾在澳門被一名公關強行要求她留低出席一個晚宴「飲杯嘢」，便有五位數字利是，同行還有森美等人。
文：名人組