本文重點
杜汶澤在金融海嘯中損手，笑言數字上好似很多，但比例上卻不多，直言打擊令人有得着，學懂從前眼中的風涼話「錢唔係最重要」，他笑謂現在生活開心到冇人信！
金融海嘯令人人身家縮水，被傳輸得好慘的阿澤笑言：「輸嘅一蚊都叫多，贏嘅一億都嫌少。我輸咗好多，比例上嚟講就唔算好多，但真係第一次買樓就『賴』嘢。」雖然如此，阿澤仍叫好：「大家都一齊唔見錢，理論上冇分別，如果唔係有同一個敵人，大家邊得咁團結。」
他笑言好似講風涼話，卻是真心話，他說：「以前好憎聽啲大明星講錢唔係最重要，心諗你有就係咁講啦，但到自己試過，又真係會咁講。」
無意修補人際關係
阿澤自言過去自以為好紅時，失去很多好朋友，不應該說的話說了，不應該鬧的人鬧了，不應該識的識了，問到有否想過修補關係？他說：「唔打算啦，都成30歲人，唔通要用多30年時間再修補咩。」他坦言慶幸有咁「霉」的日子，令他學得更多：「唔知咩叫輸，就唔知咩叫贏，依家我日日都過得好開心，真係開心到跪喺度都冇人信呀。」
文：專案組
攝：吳文聰