蔡卓妍（阿Sa）昨日拍攝新廣告，對於有傳方力申（小方）在《美女廚房》狂追新女Rainbow，阿Sa卻對同樣是主持的緋聞男友鄭中基投下「信任」一票，更甜笑暗示對方應該擔心她跟台灣型男賀軍翔（小美）的接吻戲，擺明一對小情人隔空耍花槍。
阿Sa最近忙於為拍攝台劇《呼叫大明星》而周圍飛，昨日特別抽空為即食意粉「日清新意派」拍攝硬照廣告，阿Sa全程眼仔碌碌、精神奕奕，非常敬業，其後隨即飛往上海繼續拍劇。
小美係好演員
提到《呼》劇中跟小美有多場接吻戲，阿Sa講到感覺時表現尷尬，她說：「問埋啲咁嘅問題，（咁我哋問另一個？）千祈唔好，我答，小美係個好好嘅演員，唔會只顧自己，會帶埋對手入戲，令我容易啲投入，（好唔好咀？）佢喺呢方面係個前輩，拍過好多ＭＶ同電視劇，幫到我入戲囉。」
唔信小方追女
對於有傳小方借《美女廚房》三管齊下力追新女Rainbow，阿Sa坦言跟小方認識多年，不相信對方會做出此等行為。問到阿Sa會否擔心同樣是主持的緋聞男友鄭中基墮入美色陷阱，她甜絲絲回應說：「點解成日都話問我擔心點點點，係咪應該倒轉嚟諗對方都要擔心番我呢？（擔心你同小美咀嘴？）冇話擔唔擔心嘅，不過我對身邊嘅人好信任，同人相處不嬲都係將心比心。」
文：音樂組