本文重點
闊別香港電影圈十年之久的吳家麗，狀態甚勇地回歸，風采艷光不減，並表示回港拍戲如同返鄉下，極速找回相當熟悉的感覺，不排除以後會多接港產製作。
曾經是香港電影圈活躍演員的吳家麗，近年多留在內地發展，闊別十年後再度回歸，參與香港日東影畫有限公司及法國公司French Connection Sarl製作的《紅夜》，與黃長興、陳霽平及多名法國演員合作。久未露面的吳家麗，風采依然，魅力不減當年。她說：「之前試過捱得辛苦，返港後狂食，一度脹到好似肥豬仔，有一百四十磅，為咗健康減肥，依家一百一十幾磅。」
吳家麗於戲中飾演一位香港名女人，為尋求精神上的滿足，不惜殺人。重回香港拍戲，吳家麗表示感覺如同返鄉下，並說：「我依家養咗兩隻狗，好掛心，至於係咪接多啲港產片就要睇劇本嘞！」
黃長興唱大戲得益
戲中首次唱大戲，拜羅家英為師學粵劇的鬼仔黃長興，昨日以大戲裝示人，表示唱戲要字正腔圓，令其廣東話大為進步，他說：「今次用法文上陣，本來以為會有信心啲，點知自己未試過演戲時講法文對白而有啲亂。」說到弟弟黃長發，長興坦言有看過Karen被沒收資產的報道，他說：「呢啲係佢哋嘅事，我細佬又唔係大使，加上TVB仲有啲糧未出，應該夠用，有份工等緊佢，依家又想再揀吓，佢想在機場工作，可以飛來飛去。」
文：影視組