側田出道三年推出四張唱片銷量超過60萬張，前晚公司趁他舉行新碟音樂會時宣布佳績，並送上600粒水晶砌成「60」字的閃帽做賀禮，未見緋聞女友「嫩版千嬅」Eugene捧場，側田以「Keep Private」力保戀情。
側田前晚於中環某酒吧舉行音樂會，一眾金牌大風歌手如鄧麗欣、吳雨霏、楊愛瑾（Miki）、蘇永康、小肥和唐素琪捧場。側田表示今次音樂會形式是讓歌迷邊摸酒杯底邊飲酒，所以十八歲以下的歌迷未能捧場。而他自爆喜歡邊飲酒邊創作，笑言飲醉酒不會搞事，只會跳舞。
提舊愛請聽歌
問到未見Eugene撐場？側田即道：「冇呀，唔得閒呀！（你有請佢？）個個朋友都有叫，好多唔喺香港啫！」追問與Eugene關係？側田則保護說：「唔會講啦，Keep Private，係女仔朋友囉！」提到可聯絡舊愛林苑時，側田稱不會回答，叫大家留意他演唱的歌曲。是否《三十日》？側田謂：「我冇講嘢，但你哋可以寫嘅！（邊首歌形容依家感情？）《命硬》啦，入面啲歌詞係愛情唔受膚色、國籍、年齡影響。」又笑言：「依家係《決戰二世祖》呀。」
此外，側田並獲老闆Paco送上閃石鑽帽，而活動贊助商Philip Stein除贊助現場眾歌手名錶外，並送「醒酒棒」給Paco，滿帶醉意的Paco見到醒酒棒即大呼「殺破狼」，引來全場大笑。
Miki少8成收入
捧場的Miki則承認市道差工作量大減，收入少了八成，她為裝備自己學唱歌、畫畫和寫作等，又慶幸去年沒有出碟，坦言不想蝕錢。Miki稱有積穀防饑，可會接酬勞較高的泳衣騷？Miki即言：「唔好啦，好似乜都畀人睇晒咁。」
文：音樂組