蔡卓妍（阿Sa）昨日接受由查小欣主持的電台節目《巴巴閉邊個夠我查篤撐》訪問，談到拍攝台劇，阿Sa表示創下不少紀錄，包括第一次拍偶像劇、全國語演繹及咀與攬最多的一次，問到會否擔心有人呷醋，阿Sa說：「拍劇啫！」至於問到緋聞男友鄭中基（Ronald）有否到台探班？她說：「冇呀，（怕危險？）想死咩！」另外日前Ronald透過記者大讚阿Sa，問到女主角是否冧爆？她就說：「最好唔好講，好尷尬！自己唔係咁鍾意拉埋其他嘢講！」
至於提到好姊妹鍾欣桐（阿嬌）於其發布會上致電支持，阿Sa就說感覺奇怪，她說：「好唔自然，好似做戲，（感覺有阿嬌影子？）一齊八年，有係正常。」至於問到若果個人專輯大賣，會否影響Twins重組，阿Sa即斷然說：「唔會！Twins係情意結，唔會咁易放棄！」