現年廿九歲的小方一向緋聞多多，雖然被指與同門師妹鄧麗欣（Stephy）打得火熱，但近日卻傳出小方另有目標，對象是十七歲商科學生妹、「美少女廚神」參賽者及有「嫩版Chiling」之稱的Rainbow。兩人於上月六日在《美女廚房百美宴》邂逅，有傳身為主持的小方一早已「瞄準」Rainbow，還主動上前與她聊天，又問她名字及索取電話。
慘食檸檬 熱情冷卻
之後小方不時以短訊、電話及Facebook三管齊下作攻勢。短訊中，小方除向對方噓寒問暖，更細心以「add oil」（加油）作結尾，Rainbow更問小方是否與Stephy拍拖，小方強調自己是單身。及後小方還主動力邀Rainbow出席其家中派對，不過因Rainbow與小方的朋友不熟而婉拒。慘食檸檬的小方自此對Rainbow熱情冷卻，雙方交往僅於Facebook內。
對於「溝女」報道，昨晚小方出席《美女廚房》錄影時似有備以來，不斷以被動及無辜來形容自己。他說：「電話係佢問我攞，短訊都係佢send畀我，Facebook都係佢問我，冇通過電話。（覺唔覺畀人擺上枱，個女仔係博宣傳？）今次係自己一個教訓，我以後唔會咁容易畀電話人。（有冇覆SMS？）有，就係登嗰幾個，只係好簡單嘢，但就覺得係我做主動咁，唔話add oil唔通『奸爸嗲』咩！下次寫good luck囉！」小方更指不會因此事向監製反映，即使日後比賽也會公正處理，但他不會致電給Rainbow，更自言患上電話恐懼症。
《美女廚房》監製錢國偉力撐小方說：「好明白小方心情。（覺唔覺Rainbow係借小方上位？）既然佢同記者咁講，SMS又畀記者影，大家就自己諗啦！（會唔會唔畀佢出席之後嘅復活賽？）唔會，咁到時啲人仲敢唔敢行埋去就唔知嘞！」
「佢鍾意點講就點講」
即使小方口口聲聲力證自己無辜，但本報聯絡Rainbow求證時，她起初雖然表現驚青，但沒有否認，她說：「我唔想講太多，驚講多錯多。（驚唔驚小方嬲你？）我唔知呀！我哋之後都冇再聯絡嘞！」但當再次致電Rainbow告知小方的說法時，她即無奈地說：「佢鍾意點講就點講，唔想愈描愈黑嘞！」
胡心諾小檔案
英文名：Rainbow
年齡：17歲
三圍：32B" 24" 32"
身高：164cm
體重：47kg
學歷：就讀玫瑰崗中學F.4
演藝經驗：亞洲遊戲展AGS2008（Game Girl亞軍）、安信信貸、競逐《美女廚房第三集》「新美少女廚神」
文：影視組