華姐出身的徐萌，早前為再次續約代言的鐘錶品牌拍攝硬照廣告，由於她身材高挑，故廣告商特地找來一名意大利籍男模與她合作。自小有收集手錶習慣的徐萌，被問到在眾多手錶中哪一隻最珍貴，她笑說：「每一隻都好有意義，因為代表我唔同嘅經歷，但如果一定要揀，我會揀媽媽送畀我嘅第一隻手錶，同當選時大會所送嘅腕錶。」
談到工作，徐萌表示在新劇《飛女正傳》中跟蔡少芬有不少對手戲：「呢齣係我第一套劇，真係好緊張，第一日入劇組就好似見到好多大明星，好搞笑。」對於港姐冠軍張舒雅近日傳詐病、拒宣傳等新聞，同為選美出身的徐萌即替對方美言：「我諗佢都唔係特登詐病嘅，可能佢真係唔舒服啫。」至於早前代表香港出賽韓國歌唱比賽並摘冠一事，她感到非常興奮，問到可會進軍樂壇？她即笑謂：「有機會都想呀！不過都係等公司安排。」