張美妮之前分別與官恩娜及王君馨到新加坡、澳門拍攝飲食節目，美妮於澳門更品嘗從未吃過的最大梳翅，去到新加坡，她則遇到「臭味相投」的官恩娜，二人狂吃榴槤。
張美妮有「女食神」之稱號，拍過多輯飲食節目的她，日前分別去廣州、新加坡、深圳、台山、澳門等地拍攝，食慣好嘢的她，去到澳門時大歎魚翅，更表示是她從未吃過最大梳的。美妮謂：「其實嗰碗翅一啲都唔貴，不過食起上嚟，就好似食即食麵咁，我去到每間有水準嘅食肆都攞咗卡片，有機會就會帶屋企人嚟試吓！」
品嘗美酒
另外，美妮與王君馨又到酒莊參觀，品嘗不少名貴美酒，美妮表示平日都會飲紅酒，她說：「平時影相前一晚我都會飲杯紅酒，到時雙眼就會冇咁腫，（酒量如何？）以前好差，依家改善咗好多，不過我唔鍾意飲啤酒，因為會大肚腩。」
愛整幾味
美妮又與官恩娜到新加坡拍攝，二人相處三日後便熟落起來，兩個走在一起時更被工作人員指非常嘈吵。美妮與官恩娜可謂臭味相投，皆因二人都甚愛吃榴槤。此外，美妮閒時都有入廚，最拿手的是薯仔炆雞翼、菜心炒牛肉等，問男友有否試過她手勢，她笑言：「佢都話我有進步，其實我都有興趣鑽研西餐，而且已經買咗好多書，遲啲就會試吓！」 文：影視組