本文重點
在無綫劇集飾演純情警察妹的梁嘉琪，現實生活中亦是怕醜妹一名。談到與劇中拍檔陳鍵鋒傳緋聞，嘉琪即忍不住尷尬傻笑，並毫不忌諱地大讚對方細心。
梁嘉琪與陳鍵鋒在《學警狙擊》中飾演情侶，並有一場結婚戲。由於二人在拍攝結婚場面時異常投入，加上嘉琪經常忍不住望着對方甜笑，令二人的緋聞不脛而走。
問到嘉琪對與鍵鋒傳緋聞的回應時，她即笑謂：「我覺得好搞笑！（驚唔驚畀人話主動冧仔？）少少啦，其實識我嘅人都知，喺感情上我係好怕醜，從來唔會做主動，除非肯定對方都好有意思，先會諗有冇發展機會。（咁陳鍵鋒呢？）哈哈哈！雖然我鍾意呢類型男仔，但我真係無諗呢啲。由於仲係新人，所以拍戲嗰陣梗係會投入真感情啦，但拍完冇晒感覺。」
細心贏歡心
雖然嘉琪堅持否認對鍵鋒有意思，但卻毫不避忌地大讚對方：「初初以為佢好cool，但後來發現佢好細心。每逢我有啲咩唔識要請教佢嘅時候，佢都可以講得出所有嘅細節，同我應該注意嘅嘢，我真係好感激佢。平時同其他男藝人合作只會覺得好玩，但同鍵鋒就唔同，佢係我入行以嚟最細心嘅合作夥伴。」
文：專案組
攝：沈健程
服裝：muse
髮型：zellleung@DoubleH
場地：DoubleH