今年港姐三缺一，冠軍張舒雅以病為由不停推工作，造就季軍馬賽上位，未卸任已擔任飲食節目主持，她直言已做足功課準備殺入娛圈。
馬賽最近與師姐徐淑敏、周汶錡齊任飲食節目《咁至識食》主持，雖然食勻全港，但馬賽表示不擔心變肥妹：「我一向有節制，唔會逼自己食太多，加上平時會跳舞兼做健身，所以保持到身形。」
望拍劇集
馬賽直言做藝人要時刻保持最佳狀態，現更勤練廣東話，希望卸任後有機會拍劇：「以前拍過電影，因為我好鍾意呢行，有時返化妝間見到其他同事試造型，覺得好有趣，希望將來有機會拍劇。」
對於張舒雅以病為由推工作，因而觸怒無綫，問馬賽可擔心影響港姐形象？她說：「舒雅搞成咁有好多原因，但我唔太清楚，我諗佢有自己想法。至於港姐形象，影響一定有，因為港姐唔係一個人嘅事，而係無綫同港人嘅財產，所以應該要有責任心。」
感激家人
有傳張舒雅沒機會為來屆港姐冠軍加冕，馬賽坦言現在三缺一覺得可惜：「好似歷年都未試過，但相信公司做嘅決定都有原因。」卸任在即，馬賽亦有不少感觸：「呢一年學咗好多，自己都大個咗，最感激身邊人幫助，特別係屋企人經濟上支持。」
文：專案組
攝：馬永堅
髮型：Deil @ HAIR
服裝及場地：agnes b.