草蜢一連七場的《草蜢忘我演唱會》昨晚假紅館開鑼，有不少藝人捧場，容祖兒及何韻詩這對好友同場睇騷但相隔甚遠，而黃耀明、莫文蔚、鄭欣宜、周麗淇等亦有現身，謝霆鋒及張栢芝、Twins、羅傑承夫婦、張學友等都有送上花籃祝賀。演唱會於８點45分開騷，舞台以馬戲團為主題，由馬戲團團長蔡一傑帶領唱出多首金曲，直至唱到《忘情森巴舞》歌迷就應聲企身跳舞，非常投入。
草蜢前晚着上主題Tee拜神，「25」字樣代表草蜢明年踏入25周年紀念，負傷上陣的傑仔說：「排舞時唔覺意撞到dancer個手㬹，整傷啲筋骨，但跌打師傅幫我包紮成勝利手勢，氹番我開心！」
