關楚耀（Kelvin）昨舉行記招發表道歉宣言，並謂會離開娛圈一段時間，周柏豪說：「好可惜，我鍾意聽佢唱歌。經歷咁大件事係一個打擊，休息期間學嘢囉，年輕人都會做錯嘢。（試過吸食毒品？）冇食過，不過見過。有次去品牌派對，聞到一陣味，當時我好大反應。」
黃婉伶（Race）則說：「佢話退出都可惜㗎。不過我同阿Jill、Janice熟啲，大家同一間髮型屋，見到佢（Jill）份人都好開心，希望佢可以早啲返香港，其他嘢之後再打算。」劉浩龍亦有發SMS慰問：「擔心佢精神問題，亦希望市民原諒佢。」
另外，不少仍對Kelvin忠心耿耿的fans在其Blog上力撐他，叫他「做好自己」及「繼續努力」！另外，討論區上亦有不少網友指Kelvin在記招表現誠懇，但亦有人指其言論無甚特別，還有指Kelvin暗示衞詩仍被日本當局調查故不能返港，可還對衞詩狠狠打了一拳！