本文重點
關楚耀和衞詩日本涉藏毒案近日有雜誌再爆新內幕，有指王友良當時身處案發現場，惟見朋友出事擔心惹禍上身，即拋下不諳日文的關Jill閃人。王友良對失實報道感氣難下，昨日接受電視台的訪問後，臨時舉行記者會，澄清案發時自己並不在場。
從日本釋放回港的關楚耀昨日假九龍灣展貿舉行記者會，交代涉藏毒一案。近日被牽連案中的王友良（Ivan），昨日黃昏接受電視台的訪問後，由唱片公司職員及律師陪同下，即場借用會議室舉行記者會，吸引近廿名記者前來。
記者會未舉行前，其助手已表明將不設問答環節，Ivan現身後，先氣定神閒地喝了一口水，便說：「首先要交代當日一落機我就去做嘢，做完之後就約佢哋（關Jill）同其他朋友食飯，食完我同其他朋友分開，同佢哋行街shopping，直到凌晨十二點左右。Kelvin（關楚耀）見我好似好攰咁，就同我講『你今日坐完飛機好攰，你走先啦！』所以我一點前已經搭火車返咗屋企。」第二日Ivan原本已經約好他們再行街，但一直未能聯絡上兩人，到第三日他返港仍然失去聯絡，於是致電關Jill的家人，希望其家人告知兩人自己已返港一事。
好友返港報平安
他強調關Jill被捕時自己並不在場：「我返咗嚟香港之後嘅星期五（即２月27日），佢哋屋企人打畀我先知嗰晚發生咗事。我想交代事發時我唔在場，都唔知發生呢件事。我知依家大家對我同Kelvin嘅好友關係充滿疑問，總之Kelvin返嚟香港之後都有打電話畀我報平安，對於呢啲失實嘅報道，佢都有打嚟慰問，我好多謝佢。」對於Kelvin於記者會上坦言會退出娛樂圈一段頗長時間以作反思，Ivan謂作為朋友，一定會支持Kelvin的決定。
軒仔Kenny冇同行
對於有雜誌指五星同遊日本，除了關Jill和Ivan外，還有張敬軒和關智斌（Kenny）。Ivan否認道：「據我所知，軒仔的護照係唔可以自己去日本。Kenny之前去美國做嘢途經日本返香港，當時我都在日本，我哋都有見面，不過係呢件事之前。」當問到Ivan跟關Jill頭兩日食飯時的精神狀況，其助手即中斷記者會，Ivan只表示大家是正常食飯而已。
文：影視組