對關楚耀昨日公開為藏毒一事認錯，又指自己冇被檢控、冇留案底和冇被日本遞解出境，但據熟悉日本法例的大律師林沙文稱，這種講法並不代表「無罪一身輕」。
林謂：「日本有一項名為『起訴猶予』處分，視乎當事人背景，如當事人做過很多公益慈善，其背後又有好多人力撐，都可以獲赦免，甚至唔留案底。（求情信有冇用？）係有頭有面嘅人就有用，如果天皇出面撐，更加冇事添……就算今日不作出起訴，不代表日後唔告佢，除保留追究權利，或會秋後算帳。」
林續稱，「關Jill」消息一直只是日本非官方途徑傳來，準確性有幾多，大家都不知道，兩人被拘留後，日本警方控告哪一人都不清楚，最後證據不足放人都可以。大麻即使從關身上搜出，但如果Jill承認是她提供，並一力承擔，警方有機會衡量證據可信性，而取其一人來起訴，這個可能性，或交代了Jill遲遲未能返港，要多拘留十四日的原因。
關楚耀公開為涉嫌在日本吸毒道歉，呼籲青少年遠離毒品，有社工指他大錯已鑄成，道歉可為過錯負上責任。專門輔導濫藥青少年的香港路德會社會服務處路德會青怡中心主任吳雪琴表示，藝人有一定的影響力，行為舉止會被模仿，關楚耀吸食大麻一事，可能令青少年以為吸食大麻「好似食煙咁簡單」，但他肯認錯，「總好過逃避、匿埋一年半載再出番嚟扮冇事。」