粒粒顯關懷 參與莫遲疑

現今都市人識飲識食,品嘗食物講求色香味俱全,但對基層長者而言,一日三餐但求溫飽,一碗平平無奇的白飯已經能帶來樸實的感動。東方日報慈善基金舉辦的「粒粒顯關懷」贈米計劃,十多年來無懼風雨,每月定期透過八十一間志願機構與長者屋向各區長者送上愛心白米,讓長者感受社會的點點關懷。只需一頓晚飯的價錢,便可向數名長者送上整月分量的白米,「施比受更為有福」,請速向長者伸出關愛之手,莫再遲疑!

「依家冇乜大病、有飽飯食,過時過節又可以同仔女見吓面食吓飯,已經好滿足!」七十七歲的鄧旋年輕時靠當酒樓雜工、送外賣及倒垃圾等工作養活一家。勞碌大半生後,鄧伯語帶感慨地說,白飯乃工作不可或缺的好拍檔,「食咩都冇乜所謂,最緊要係有啖飯落肚,咁先有力做嘢!」面對物價連年上漲,鄧伯感謝基金的贈米計劃為長者適時紓困,「我入嚟住咁耐就拎足(贈米)咁耐,真係好多謝啲善長仁翁年年支持!」

「食得飽可以做鍾意嘅嘢」

同屬七十七歲之齡、官仔骨骨的陳多瑚年輕時於內地教授英文,曾經歷文革歲月,現時即使憶起往事仍然猶有餘悸。「嗰時成個社會亂晒龍,見過有人喺我面前畀人活活打死!」陳伯慶幸未受牽連,但所見所聞則更讓他學會為活着要感恩,「依家啲嘢的確愈嚟愈貴,不過有得攞(贈米)已經輕咗負擔!買嘢嗰陣覺得菜心貴咪食白菜囉,食得飽、可以做吓鍾意做嘅嘢,真係冇乜要求!」陳伯閒時除埋首書堆鑽研英文外,更開始自學日文,真正活到老學到老。

平田邨服務設施大樓社監劉少琼表示,面對通脹壓力,不少基層長者的生活皆首當其衝受到影響,「雖然好多長者都識睇餸食飯,但係佢哋嘅收入始終唔多,善長嘅幫助好重要!」劉少琼又感謝基金於農曆新年向長者送上的新春禮品包,讓部分鮮與子女見面的長者感受到社會人士的關懷,那份感覺更彌足珍貴,「物輕情義重,收到呢份心意,老友記都好開心!」

捐款編號:16333

記者:朱廣華

第一手消息請下載on.cc東方互動iPhone/iPad/Android/Windows Phone Apps