92歲婆婆養生貼士:朝朝運動

今年九十二歲的劉絹笙獨居於紅磡區舊唐樓,自言因個性堅強獨立,故身體亦非常健壯。劉婆婆見記者來訪,特別分享其養生心得,「記住飲食營養要均衡,每朝做運動,仲要保持心境開朗,人老心不老嘛,你睇我啲頭髮都仲未白!」劉婆婆又憶述,自幼已「擔起頭家」,當上家庭經濟支柱,分別要供養弟弟及姪兒讀書,「由廣州落嚟香港就做住家工,幫人湊細路,一做就做到六十五歲。」退休之後,劉婆婆仍不忘參與義工活動,並曾經於端午節幫忙派發糉子,「以前就做義工幫人,今年就到我有糉收,兩樣都係咁開心,真係多謝晒!」

至於結婚逾四十年的徐氏伉儷則不時會結伴參加中心活動,恩愛非常。七十一歲的徐太指中心的端午活動能與多位「老友記」聚首一堂慶祝,感覺非常熱鬧,「又有歌聽又有遊戲玩,仲有禮物收,真係好開心!」七十七歲的徐先生笑指兒子最愛吃糉,故今年妻子亦特別自家裹製「上海糉」,希望與兒子一同分享節日歡樂。

第一手消息請下載on.cc東方互動iPhone/iPad/Android/Windows Phone Apps