粒粒顯關懷 長者暖在心

物價持續上升,不少長者為着一頓清茶淡飯而需四出「格價」,以求節省一元數角。為紓緩長者重擔,東方日報慈善基金自九八年起舉辦「粒粒顯關懷」贈米計劃,每月透過長者屋及志願機構向逾六千名有需要長者送上白米。活動多年來有賴各界善長支持,讓長者得到溫飽的同時,亦能感受人間有情。

「以前打仗連食都冇得食,所以依家一粒飯都唔會嘥!」年逾八旬的吳貴珍居於運頭塘邨長者住屋多年,一直受助於贈米計劃。年輕時曾經歷戰亂的婆婆曾歷盡滄桑,捱過三餐不繼歲月,平日絕不浪費食物,對獲贈白米更是珍而重之。近年百物騰貴,貴珍婆婆坦言需「左慳右慳」,偶爾才能以佳餚佐膳,「見到有特價冰鮮雞先至買一隻分幾日食,平時有汁撈飯已經好開胃!」

「好多謝善長對我哋咁有心」

貴珍婆婆的「同屋室友」駱翠英亦是贈米計劃受惠者,記者只見已年屆一百零三歲的英婆婆精神奕奕,原來皆因每日四出參加各項活動,亦最愛「聽歌仔」自娛,以保持活力充沛。「我真係好鍾意食飯o架,食咗飯先有氣力去玩,平日都係一餐煮兩餐食,可以慳煤氣嘛!」婆婆更指「玩得食得」便為長壽之道。

至於九十二歲的李妙霞和九十歲的梁杏芳則分屬同鄉,二人均不能一日無米,杏芳婆婆更說:「我哋食嘢好簡單,最緊要有碗飯,如果冇米落肚就會冇晒精神!」婆婆指每月獲贈白米能減輕不少經濟負擔,又可將餘錢購買魚、肉等食物以補充營養。妙霞婆婆則表示已受惠於計劃多年,希望向善長表達謝意,「食咗東方送嘅米好多年喇,真係好多謝咁多善長對我哋老人家咁有心!」

運頭塘邨長者住屋社監黎姑娘指出,贈米計劃除可減輕長者經濟負擔外,對一眾「老友記」而言,善長的心意更為重要,「其實老人家好易滿足,佢哋最希望有人關心!」黎姑娘希望社會多關注長者需要,繼續支持「粒粒顯關懷」贈米活動,為有需要長者送上溫暖的祝福。

捐款編號:16333

記者:陳倩儀、詹海萍

第一手消息請下載on.cc東方互動iPhone/iPad/Android/Windows Phone Apps