櫃車司機撞斃 孤寡失依靠

「我早排先收到電話話會批我同阿仔嘅單程證，點知過咗兩日佢就出事……」阿燕與丈夫為典型中港婚姻家庭，丈夫居港，每逢周末便會返回內地與妻兒團聚。阿燕指獲悉單程證獲批在即後，原以為可一家團聚，可惜天意弄人，年僅四十歲的阿賢竟在內地遇上交通意外離世，令阿燕團圓夢碎。

阿賢原為食品公司跟車送貨員，鑑於薪金微薄致難以養妻活兒，去年五月才轉職為中港貨車司機。雖然貨車司機所賺較多，卻因工時不定，需「日做十幾個鐘」，不時更會工作至凌晨時分，阿燕為免丈夫健康受損，早已勸喻及早轉工，「寧願一家人慳啲都唔想佢咁辛苦」，未料阿賢未及離職，即於早前晚上趕往中山工作途中，疑因疲勞過度發生交通意外，貨車車頭撞至完全損毀，阿賢送院搶救但返魂乏術。

妻月入二千 子叫喊尋父

丈夫去世至今雖已有一段日子，阿燕坦言至今仍未接受事實，只有一歲多的兒子晉仔更經常嚷着要找父親，「個仔好黐爸爸，成日都話要搵佢，我惟有同佢講爸爸去咗好遠嘅地方，唔會再返嚟……」阿燕語音未落即淚如雨下，而晉仔聽到「爸爸」二字則四處張望叫喊，要尋找父親蹤影，可惜晉仔並不知道即使叫得如何聲嘶力竭，最愛的父親也永遠無法回家。

現時在內地擔任文員、月入僅二千多元的阿燕直言家庭收入有限，過去亦只靠丈夫約九千元收入維持生計。面對阿賢突然離世，頓失經濟支柱，加上晉仔年幼尚待撫養，令阿燕有感前路茫茫。東方日報慈善基金了解情況後，即時從「無力殮葬」專戶撥款二萬元，協助阿燕辦理丈夫後事。阿燕對基金及時施援感激萬分，「真係多謝東方日報慈善基金幫手，如果唔係，我都唔知點去搞阿賢嘅身後事！」阿燕又承諾會好好撫養晉仔成人，待兒子將來學有所成，能夠回饋社會。

捐款編號：12399

記者：詹海萍