粒粒顯關懷 長者暖在心

「以前打仗連食都冇得食，所以依家一粒飯都唔會嘥！」年逾八旬的吳貴珍居於運頭塘邨長者住屋多年，一直受助於贈米計劃。年輕時曾經歷戰亂的婆婆曾歷盡滄桑，捱過三餐不繼歲月，平日絕不浪費食物，對獲贈白米更是珍而重之。近年百物騰貴，貴珍婆婆坦言需「左慳右慳」，偶爾才能以佳餚佐膳，「見到有特價冰鮮雞先至買一隻分幾日食，平時有汁撈飯已經好開胃！」

「好多謝善長對我哋咁有心」

貴珍婆婆的「同屋室友」駱翠英亦是贈米計劃受惠者，記者只見已年屆一百零三歲的英婆婆精神奕奕，原來皆因每日四出參加各項活動，亦最愛「聽歌仔」自娛，以保持活力充沛。「我真係好鍾意食飯o架，食咗飯先有氣力去玩，平日都係一餐煮兩餐食，可以慳煤氣嘛！」婆婆更指「玩得食得」便為長壽之道。

至於九十二歲的李妙霞和九十歲的梁杏芳則分屬同鄉，二人均不能一日無米，杏芳婆婆更說：「我哋食嘢好簡單，最緊要有碗飯，如果冇米落肚就會冇晒精神！」婆婆指每月獲贈白米能減輕不少經濟負擔，又可將餘錢購買魚、肉等食物以補充營養。妙霞婆婆則表示已受惠於計劃多年，希望向善長表達謝意，「食咗東方送嘅米好多年喇，真係好多謝咁多善長對我哋老人家咁有心！」

運頭塘邨長者住屋社監黎姑娘指出，贈米計劃除可減輕長者經濟負擔外，對一眾「老友記」而言，善長的心意更為重要，「其實老人家好易滿足，佢哋最希望有人關心！」黎姑娘希望社會多關注長者需要，繼續支持「粒粒顯關懷」贈米活動，為有需要長者送上溫暖的祝福。

捐款編號：16333

記者：陳倩儀、詹海萍