綜援戶盼換床有覺好瞓
「張床爛咗十幾年，一直都冇錢買過張新嘅，惟有鋪塊木板同竹蓆墊住瞓，因為太硬好唔舒服，成日半夜背脊痛到瞓唔到，都唔知仲要捱幾耐！」五十一歲的鄭影兒患有抑鬱症並有高血壓，多年來與六十歲的丈夫阿寧相依為命，並居於狹小公屋單位，每月僅靠綜援金及於庇護工場賺取的微薄工資應付基本生活開支。鄭指近年物價持續上漲，令夫妻二人無法儲得「鬆動錢」購買新家具。
阿寧愛妻情切，自妻子患病後，即辭去工作全職照顧起居，平日二人不時會到屋邨附近公園拍拖散步，更會為妻子準備晚膳，「我負責買餸，佢（丈夫）就負責煮！」鄭指爛床已使用經年，擔心「唔頂得幾耐」，每晚均恐床鋪會於熟睡時塌下，「希望有善長可以幫下手，幫我哋快啲買張碌架床同床褥，等我哋有覺好瞓！」