退休雜工猝逝 孤寡堪憐

「老公雖然大我廿年,但健康過我好多,真係點都冇諗過佢咁就去咗……」七十七歲的李焯灼日前猝死於床上,其妻譚愛花與兩名兒子至今仍未能接受事實,傷痛之餘,亦囿於經濟而對殮葬費大感徬徨。東方日報慈善基金經了解情況後,已即時從「無力殮葬」專戶撥款兩萬元,協助李家辦理後事。

談及丈夫生前點滴,花嬸仍難掩傷痛之情,「我同佢結婚嗰陣佢已經五十歲,冇幾耐就生咗細路,嗰陣我哋都覺得係天賜嘅禮物!」灼伯退休前靠當雜工養妻活兒,雖無法儲蓄,猶幸「冇病冇痛」,勤勤懇懇養育兒子長大成人。可惜好景不常,灼伯月前於家中跌倒後即不便於行,並變得毫無食欲,一個月內體重驟降二十磅,未幾更告猝逝。

長子失業 幼子學廚養家

灼伯驟然離世,長子又於兩年前失業,一家重擔僅由當廚房學徒的幼子支撐,全家總收入不足一萬元,為籌措殮葬費擔心不已。獲基金撥款後,花嬸坦言鬆一口氣,「如果唔係《東方》即刻幫手,我真係唔知點樣去葬老公,真係多謝晒!」

捐款編號:12371

記者:伍思明

第一手消息請下載on.cc東方互動iPhone/iPad/Android/Windows Phone Apps