夫癌病離世 阿嫦愁殮葬

已屆半百的朱麗嫦與丈夫阿洪「公一份,婆一份」,多年來過着儉樸生活,可惜阿洪在兩年前證實患上末期肺癌,早前終不敵癌魔離世。阿嫦陪伴丈夫走完最後的日子,亦為治病耗盡畢生積蓄。喪夫之痛未愈,阿嫦卻對逾二萬元的殮葬費大感徬徨,希望透過東方日報慈善基金呼籲善長施以援手,協助辦理丈夫後事。

阿嫦憶述,丈夫於兩年前的一個晚上,胸口突然劇痛,送院檢查證實患上末期肺癌,「平日間中都見佢用隻手摸個心口,但佢話冇事,點知有次佢個心口痛到頂唔順去睇醫生,一驗就話係末期肺癌,快則四個月就冇命!」阿洪接受電療及化療期間,阿嫦一直陪伴在側。

用光積蓄治病

「佢真係好堅強,兩年做咗十次化療、十幾次電療,仲繼續返工!」阿嫦透露,丈夫原為嬰兒座椅安全帶技術員,即使醫生指其生命已進入倒數階段,阿洪仍因抱有一絲希望而堅持上班工作,「醫生話得番幾個月命佢都唔信,仲好希望可以好番!」

四個月又四個月,阿洪雖然捱過兩個年頭,身體卻日漸衰弱,檢查下發現癌細胞已擴散至腦部,並壓着腦神經線,自此喪失工作能力,要終日臥病在床,由妻子「一手一腳」照顧。阿嫦眼見丈夫病情每況愈下,加上醫療開支大增,為節省開支遂搬往劏房居住,「大屋搬細屋之後冇(車立)搭,佢又唔係好行到所以冇落街,之後冇耐就入院,冇耐仲走埋……」

阿嫦將畢生儲蓄為丈夫治病,兩名兒子與祖母同住,祖母與在學幼子均由長子負責供養,家人囿於經濟無力籌措殮葬費,希望善長能慷慨解囊讓阿嫦辦理丈夫後事。

捐款編號:12348

記者:黃芷君

第一手消息請下載on.cc東方互動iPhone/iPad/Android/Windows Phone Apps