巨浪捲聰仔 盧家失歡顏
一個巨浪捲走了盧家聰短短十三年的生命，同時亦捲走盧家的歡顏。「過咗咁耐點都要接受現實，不過屋企人點都會唔開心。」盧父提及喪子之痛時，直言家中少了聰仔的歡笑聲後變得比以往寂靜，說時更不禁流露哀傷神色。事發後不少善長紛紛捐款以示慰問，東方日報慈善基金早前將接獲的一萬六千元善款轉交盧父，「我哋都好多謝《東方》同善長喺最艱難嘅時候幫我哋，真係好感激！」盧父希望能早日收拾傷痛，讓生活重回正軌。
「依家媽媽成日都會拎番以前啲相嚟睇，始終都放唔低！」除盧媽媽外，少不更事的弟弟亦非常記掛哥哥。盧父坦言無法完全向幼子解釋聰仔已被大浪帶走的噩耗，只能說聰仔去了一趟漫長的旅行。
聰仔的後事早前已辦妥，盧父更將不少聰仔生前愛好的衣物及玩具一同陪葬，「佢啲同學朋友仔都好有心，整咗啲心意卡同紙鶴，我哋都一次過畀佢帶走埋。」盧父最後又再次向善長們致謝，感激大家的支持。
捐款編號︰１２２８４