姪兒無力殮葬猝死叔父
「佢在生嗰陣已經夠淒涼，希望佢走得有尊嚴啲！」終年五十五歲的李金喜，生前靠當清潔工與拾荒維生，早前被發現猝死家中，阿輝指喜叔乃他的唯一親人，因囿於經濟無法為叔父辦理後事，東方日報慈善基金了解情況後，已從「無力殮葬」專戶撥款一萬六千元，直接向殯儀公司支付有關費用。
阿輝執拾遺物時，發現叔父生前最心愛的手錶，不期然憶及他的生前種種，「佢成世人都未享受過，屋企所有嘢、包括呢隻『假金勞』都係執番嚟嘅！」生活雖然困難，但喜叔卻一直靠自己雙手賺取生活，更擬與同任職清潔工的女朋友「拉埋天窗」，「佢哋都拍咗拖七、八年，仲諗住今年結婚，點知……」阿輝估計喜叔或因糖尿病病發而失救，未有留下片言隻字便與世長辭。
雖然希望叔父能早日入土為安，惟因同任清潔工的阿輝收入微薄兼家有妻子，無法料理叔父後事，「好多謝《東方》嘅善長幫忙，等阿叔可以有尊嚴咁走佢人生嘅最後一程！」