爐具損毀 阿珍盼獲援添置
「我哋好驚繼續用個爐會有意外，希望東方日報慈善基金可以幫幫手！」五十七歲的李珍與丈夫黃健榮互相扶持度過無數寒暑，但是煤氣熱水爐與煮食爐卻不如人般「長情」，早前先後損壞，她說：「個（煮食）爐撻極都唔着，成日要用打火機點火，好驚會火燭，所以依家都係用電飯煲蒸餸！」
至於熱水爐的情況則更差，阿珍指經煤氣公司派員檢查後，證實熱水爐已無法維修，必須更換，「買個新嘅要千幾二千蚊，邊有錢換？」在早前的寒冷天氣警告下，阿珍與丈夫均要在寒冬下以冷水淋浴，「個熱水爐壞咗幾年，天冷潮濕嗰陣開幾十次都開唔到，想煲水個爐又壞，好多時都要沖凍水涼！」福無重至，阿珍透露近日證實罹患喉癌與肺癌，現正等候接受治療。
「個個月都掹掹緊」
至於年屆九旬的家姑亦因病入住老人院，院費高昂，令貧困生活更捉襟見肘，「每個月嘅綜援畀咗住院費已經冇咗一大截，我依家仲要睇中醫，個個月都係掹掹緊！」阿珍坦言現時只能「食得一餐得一餐」，希望能有善長伸出援手，助阿珍渡過難關。
捐款編號：１２２１３