中風半癱勇叔盼獲新輪椅
現年六十五歲的黃英勇於○八年突然中風後，左半身癱瘓。勇叔因無親無故，中風後一直寄居好友家中。使用多年的輪椅輪胎防滑紋早已完全脫落，「張輪椅變咗光頭胎，出街嗰陣，我同朋友都好驚會『跣車』。」由於勇叔僅靠每月二千多元傷殘津貼維生，致一直無法更換輪椅。
「突然間中風嗰陣真係好徬徨，住醫院都住咗大半年，咩積蓄都用晒！」勇叔回想入院的情況時，臉上仍流露出徬徨神色。勇叔更指當時購買輪椅的資金亦是向多個朋友東拼西湊購買，「我自己都唔好意思再問佢哋借，又冇工作能力，根本就還唔到……」
勇叔坦言好友的年紀亦漸大，要照顧一名半身癱瘓的病人絕非易事，因此已申請排期入住政府資助的安老院。「我雖然行得唔好，但係每日點都要落街行下，防止肌肉萎縮。」惟因輪椅已非常殘舊，令好友推動輪椅倍感吃力。勇叔望獲善長協助購買新輪椅，減輕好友負擔。
捐款編號︰12139