五十三歲的阿雄與妻子同為保安員，並育有一對分別二十三歲及十七歲、仍然在學的子女，兩人收入雖僅夠家人餬口，但生活仍樂也融融。

阿雄生前患有糖尿病及血壓高，但身體仍然壯健，月前突感肚子脹大如鼓，經檢查後證實罹患末期肝癌，短短十日便與世長辭。

「阿雄知道生癌之後，成日叫我要堅強啲，但點堅強都接受唔到佢走咗，依家得番我哋三仔乸，以後點算？」陳太傷心欲絕，終日拿着相簿緬懷與丈夫生前種種，並喃喃自語說：「啲相都係好耐之前影落，嗰時大家仲後生……」

「阿爸睇唔到我畢業好遺憾」

長子家俊亦稱，心目中的父親一向有如巨人，如今巨人忽然倒下，坦言一下子無法接受，「仲有半年我就大學畢業，可以出嚟做嘢幫補屋企，但係阿爸就連我畢業都睇唔到，真係好遺憾！」語音未落，家俊即流下男兒淚。

福無重至，喪夫之痛未愈，陳太早前突被辭退，在喪夫與失業雙重打擊下，家庭經濟即時陷困，丈夫的殮葬費用亦無力支付，「我哋一直都冇積蓄，成萬幾蚊殮葬費點畀？」東方日報慈善基金了解情況後，已即時撥款一萬五千多元，直接向殯儀公司支付阿雄的殮葬費。陳太對基金及時施援、暫解燃眉之急深表感激。

捐款編號：11827

鄧伯求贈雪櫃自理三餐

七十九歲的鄧華患有高血壓及糖尿病，為免進食「超標」食物影響健康，鄧伯一直自理三餐，「醫生話連飯都唔可以食得多，所以我平日好少出街食，自己煮就可以控制油鹽分量。」可惜協助煮食的好幫手──雪櫃早前突然失靈，令鄧伯大為煩惱。

為緊守清淡「煮」意，鄧伯每星期均會親自到油麻地街巿購買鮮魚，製成魚湯佐飯，「嗰度啲魚靚啲、新鮮啲又冇咁貴，每個禮拜買一次，擺喺雪櫃就夠幾日食！」自雪櫃失靈、無法儲存食物後，鄧伯便為三餐大費周章，「雪櫃下格唔夠凍，上格就結晒冰，淨係融雪都要兩個幾鐘，真係好麻煩。」

鄧伯坦言，每月綜援金僅夠三餐開支，一旦遇上家電損壞，便無法騰出額外資金，重新添置，希望善長可伸出援手，協助重置雪櫃。

捐款編號：11782

■記者：梁少儀