東方日報慈善基金助籌募對抗病魔
阿蓮手術費尚欠10萬

「好想做手術，十七萬冇可能（畀到），（依家）愈嚟愈震，真係好辛苦……」眼前的阿蓮吃力地一字一字訴說着，眼神充滿無奈。

柏金遜症折磨18年

今年五十二歲的阿蓮，發病時僅三十四歲，當年單靠在工廠當車衣女工的收入，已可養活家人。正當阿蓮為環遊世界的理想而努力工作時，竟罹患不治之症。蓮母一直堅信女兒會有痊愈的一天，過去十八年間對女兒不離不棄，「佢啱啱有病嗰陣，食住藥都仲可以照顧到自己，但近呢幾年連食藥都冇用，啲手腳仲硬晒，乜嘢都要靠人幫！」

事實上，蓮母已屆七十八歲高齡，健康亦每況愈下，照顧女兒起居漸感力不從心。眼見母親為照顧自己而心力交瘁，未能反哺的阿蓮對此十分愧疚，「唔敢諗會好番，淨係唔想阿媽咁辛苦……」

十八年來，阿蓮一直靠藥物控制病情，藥物所能發揮的效用因長期用藥而愈來愈少，增加藥量又令身體出現「藥物開關」效應，令肌肉僵硬及不由自主抽搐情況日益嚴重。醫生指阿蓮須接受屬自費類別的「深腦刺激手術」才能改善手腳僵硬及抽搐情況，電極及刺激器需費共十七萬元。

胞弟負重擔收入微

「佢係我家姐，點會唔想佢好番，但係大拿拿十幾萬去邊度搵？唔食飯都唔夠㗎，見到佢日日咁辛苦，真係好心痛！」阿林指自從胞姊患病之後，便一直由他肩負家庭重擔，可惜微薄薪金僅足餬口，每當目睹胞姊痛苦情狀，一腔苦淚亦只能往肚裏送。

（捐款編號：11311）

雪櫃電視失靈寡母婆愁苦

「我老公就係喺溫黛（颱風）嗰年過身，一個寡母婆帶住六個仔女，真係好辛苦！」回想四十七年前的往事，年屆八十高齡的盧金仍不禁淚盈於睫，百感交集。盧婆婆原與丈夫於澳門以捕魚維生，惜丈夫因罹患鼻咽癌而病逝。三十三歲喪夫的盧婆婆需獨力照顧六名嗷嗷待哺子女，艱苦生活不足為外人道。

盧婆婆於一九六四年帶着六名子女移居香港，希望可以改善生活，「當時一家七口住喺間好細嘅木屋，就算做兩份工都唔夠養家！」好不容易捱大六名子女，未料長女卻被胃癌奪去了生命。接連遭受喪夫與喪女打擊，盧婆婆只好咬緊牙關，繼續努力生活下去，「仲有五個仔女要養，我唔可以『冧』，點辛苦都要捱落去！」

子女各有家累

經過多年努力，子女終於長大成家，可惜因為各有家累而未能反哺，步入晚年的盧婆婆需依靠綜援生活，使用多年的雪櫃及電視早前相繼失靈，亦無力重置，「個雪櫃成日漏水，日日都要用布索水；電視就冇晒畫面，冇錢換都冇辦法！」 （捐款編號：11707）

記者　梁少儀