牛下村拆遷 赤貧戶待授
鄧伯失明妻罹耳疾無力置家具

「住咗牛下（牛頭角下邨）都成四十年，條邨就嚟拆，近排愈嚟愈多人搬走，但我又冇錢搬，一家人仲等緊安置！」鄧伯與妻女一家三口蝸居於狹小的一人單位，擺放簡單家具後，餘下空間只可放置一張睡床，居住環境惡劣，「因為唔夠位擺多張床，個女每晚都要打地鋪，仲要朝行晚拆。」

雪櫃失靈無錢更換

早前鄧家已獲房屋署配屋，預計四月中便可搬往新居，惟搬遷所費不菲，令鄧伯大受困擾，「可以搬間大少少嘅屋梗開心啦，但裝修買傢俬樣樣都無錢做，房署畀嗰三千幾蚊搬遷津貼，淨係搬運都冇咗一大截，個雪櫃咁啱最近壞埋，依家都唔知點算好！」

現年七十六歲的鄧伯，六十年前隻身由內地來港，雖然擁有內地高中學歷，但礙於學歷未獲承認，只能覓得醫生助護一職，收入尚可自給自足。可惜，平淡生活突起波瀾，當年僅有三十餘歲的鄧伯突然患上青光眼，視力變得模糊，最後更失明，並失去工作能力。

困境影響女兒學業

鄧伯於十多年前在內地結婚，妻子與女兒嘉娜相繼來港團聚，由於鄧太患有耳水不平衡，未能外出工作，一家三口倚靠微薄的綜援金維持生活，「啲綜援金好多時都唔夠使，為咗慳錢有時會執賣剩嘅麵包，又會等街市收市先去買平嘢！」

一生坎坷的鄧伯，明白知識可改變命運，遂將一切希望寄託在嘉娜身上，希望女兒他日學有所成，能讓家人早日脫貧，但希望之路仍「路阻且長」，「佢依家讀緊中一，因為冇電腦，所以成日都做唔到功課！」嘉娜性格文靜，深知家境欠佳，從無奢求，只默默地每日往圖書館借用電腦一小時，但仍難以完成所有課業，「我想做好啲功課、讀好啲書，將來搵份好工，等阿爸、阿媽生活可以過得好啲！」脫貧的希望雖長路漫漫，惟願有心人能助以達成。

捐款編號：11691

感激善長捐款阿昌誓勝癌魔

儘管人生波折重重，慶幸人間有愛，令奇迹不斷出現！患末期肝癌的黎健昌因癌細胞持續擴散，急需接受標靶化療藥物續命，惟每月近四萬元的化療費開支，即使阿昌耗盡二萬元月薪亦不足支付。阿昌的處境經本報報道後，迅即獲善長熱烈回應，更有一名善長慷慨捐出十五萬元，讓阿昌不致苦陷斷藥困局。

「我真係冇諗過喺依家咁嘅時勢，仲有咁多善長肯幫我，真係唔知講咩，總之多謝晒！」阿昌特意購買一張感謝卡，寫上感激字句，對善長的無私幫助致以衷心謝意。

現年三十九歲的阿昌為電腦程式編寫員，自從罹患惡疾後，為購買自費藥物不但耗盡積蓄，且已債台高築，因面對斷藥困局而向東方日報慈善基金求助。為第一時間施援，基金已即時從醫療專戶撥款二萬六千二百六十六元，為阿昌購買半個月藥物應急。「雖然食咗藥手腳甩皮甩得好緊要，但為咗醫好個病，點辛苦我都要撐住返工，依家仲有埋咁多善長嘅支持，我相信一定會好得番！」

捐款編號：11601

記者　梁少儀