「祿山之爪」呢隻著名鹹豬手大家聽得多，只係「安祿山徹夜恣情散」大家又聽過未呢？單係睇個名，就知道呢道古代偏方嘅作用，肯定係想令男士徹夜狂歡，金槍不倒啦！
佢最早記載於宋初陳希夷《房術玄機中萃纂要》中，至於點解會為呢道偏方起個咁嘅名，相信大家都估到，某程度上安祿山係史上著名鹹濕佬嚟。至於材料方面，分別有蟾蜍二錢、胡椒二錢、乾桂五分及麝香三分，做法亦好簡單，只需將所有材料混合，並碾成粉末便可。
用法係午時前將少許粉末加溫水搽喺兵器上，至夜晚行房前洗乾淨，便能做到書中所稱：「一夜不洩，久久藥自散，不必解。」至於偏方中所指嘅乾桂，其實即係肉桂。據《本草求真》中稱，具有益陽治陰嘅功效，而近代藥理學則稱有擴張血管、促進血循環等作用。