男人最怕貨比貨，比乜嘢貨？兵器尺寸是也。男人怕「小器」嘅心理其實自古有之，故此古代中國便出現唔少聲稱能令兵器變長嘅偏方，其中就有呢道「鐵鈎丸」。
佢收錄喺明代洪基著嘅《攝生總要》外，年代及作者不詳嘅偏方奇書《毓麟驗方》亦有記載，材料有熟地、肉蓯蓉及樟腦各二錢、海馬一隻、滑石二錢、一隻雄麻雀肉。做法係先將雄麻雀肉用鹽及酒浸泡後再烘乾，然後跟其他材料混合碾成粉末，最後再以蜂蜜搓成丸狀。每日服3次，每次食30粒，據稱服至第9日兵器便會明顯變大，不過咁神奇嘅偏方，可信性值得商榷。
其實宋初陳希夷著作嘅《房術玄機中萃纂要》，亦有提到「鐵鈎丸」，不過所用嘅材料則完全唔同，採用熟地、山萸肉、山藥、茯苓等超過20種材料，做法係將所有材料碾成粉末，再用煉蜜搓成丸狀，每粒丸重15克，每日服兩次，每次食1粒，據稱具補腎壯陽功效，尤其精氣清冷者特別有效。