男士最怕早洩，未能盡興之餘，又滿足唔到女伴，因而產生挫敗感，故此坊間流傳唔少能治療早洩嘅偏方，其中就有人話服用11條地龍有助改善早洩問題，但係咪真係有效呢？
所謂「地龍」，其實即係曬乾或低溫乾燥後嘅蚯蚓，不過呢味中藥材其實亦分有兩種，一種係產於廣東、廣西、福建等地，由參環毛蚓製成嘅蚯蚓乾，稱為「廣地龍」；另一種係全國各地均有分布嘅縞蚯蚓，所製成嘅蚯蚓乾則稱為「土地龍」。
做法係用11條地龍加韭菜汁搗勻，然後每日用熱酒沖服，每日一次並連服七日，據稱能治療早洩問題，仲可以起到壯陽固精補腎的作用。不過據《神農本草經》稱，地龍只有清熱息風、通絡平喘及利尿等作用，對治療早洩並無直接關係，所以話，民間偏方真係咪盡信呀！