屬龍蝨科水生昆蟲
和味龍亦即係龍蝨，別名多多，包括水鱉蟲、黑殼蟲、水龜子等等，屬於龍蝨科水生昆蟲，主要產地為江蘇、福建、浙江、廣東、湖南等地。
有「水中人參」之稱
龍蝨嘅營養價值豐富，蛋白質含量佔重量嘅57.13%，仲含有人體所需嘅多種氨基酸和微量元素，包括鈣、鐵、鋅、鎂、錳等，有助調節身體機能，所以被譽為「水中人參」。
歸腎經 功效多
喺中醫學角度，龍蝨歸腎經，功效包括補腎、活血，可治療老人尿頻、小兒遺尿等問題。男士食咗，可強身健體，補腎填精；女士食咗，則有養顏活血嘅功效。食法方面，除咗油泡，亦可以用嚟浸酒。