世界Cup:鈴木富美奈至寶級H奶

日本寫真界有唔少好波之人,各有唔同嘅外號,例如殿堂級女優熊田曜子有「最強巨乳」之稱,現年27歲嘅童顏女優和地司就被稱為「國寶級巨乳」,而今期「世界Cup」嘅主角鈴木富美奈則擁有「至寶級巨乳」嘅外號。

顏值分析

今年已經31歲嘅鈴木富美奈,身材高挑,有波有籮,但樣貌唔算標青,初出道時仲試過被人話係「豬扒」,但人係會變嘅,家陣阿妹個樣可以話係愈睇愈順眼。講真,能夠喺選美活動入圍30強,顏值都唔會差得去邊,你話係咪?

身材弗到爆

擁有「最強巨乳」嘅熊田曜子,以身材弗爆見稱,而喺日本寫真界能夠同佢匹敵嘅女優,筆者第一時間諗起鈴木富美奈。喺2010年推出首隻寫真映像作品嘅佢,身高有5呎6吋,以日本妹嚟講,算係高挑,而且身材曲線誘人,有一對鮮嫩H奶,加上籮夠圓、腰夠幼,肉地又夠晒結實,真係夠晒條件可以橫掃寫真界。

獲網民力撐

事實上,阿妹初出道已經憑極品身材,喺寫真界成功彈起,而佢更參加過角逐環球小姐出戰資格嘅選美活動,並入圍最後30強。雖然佢無緣三甲,但就獲得評審團特別獎,並且以壓倒性姿態贏得由網民投票選出嘅「多媒體部門」第一名,總算有番少少安慰。上年,富美奈不幸感染新冠病毒,好彩接受治療後,唔使半個月就康復,冇幾耐仲重投寫真拍攝工作呢!

最新動向

早前富美奈推出咗最新寫真集《Leap》,裏面有唔少露出度勁高嘅演出,真係非常養眼呢!為咗宣傳新作,阿妹已將部分靚相同拍攝花絮放上個人社交網,大家可免費欣賞。

網址:https://twitter.com/suzukifumina?lang=ja

「胸」器解構

上圍:38吋H Cup

養眼度:★★★

噴血度:★★★★

評語:彈力非凡又夠堅挺,有「至寶級巨乳」嘅外號!

鈴木富美奈

年齡:31歲

身高:5呎6吋

三圍:38-24-36

撰文:賢