今夜一丁:Naomi Woods火辣魅力熱爆脫界

有脫星要靠辛苦同努力才贏得人氣,但係有人就咁瞓喺床度已經大受歡迎,好似Naomi Wood就係其中之一,甫出道便獲得各大著名四仔片廠嘅垂青,人氣更係超勁呀!

人氣飆升

脫星係咪一定要勁索,身材超火辣先會紅?Naomi Woods就話畀大家知,事實並非如此。出生於美國佛羅里達州嘅佢,少女時代樣貌平凡,仲冇乜異性緣,喺聖誕舞會冇人搵佢做舞伴。由於唔使拍拖時間多,平時最大嘅娛樂就係睇四仔,對唔少脫星耳熟能詳,更夢想成為脫星。

正所謂女大十八變,阿妹靚咗又索咗,2015年自薦到脫星事務所,憑住迷人外形,令對方留下深刻印象,不但獲得脫星合約,出道作便係為著名四仔片廠Bang Bros製作嘅《Blonde Princess Naomi Woods》。據廠方稱之所以搵佢演出,因為佢散發出一種狂野魅力,能帶畀四仔迷激情嘅體驗。事實證明Bang Bros的確有眼光,作品不但大賣,更令Naomi Woods嘅人氣直線飆升。

打開歐洲市場

處女作獲得佳績,不但令佢信心十足,更獲得Reality Kings、Mofos、Twistys等片約,其中由Reality Kings製作嘅《Moms Bang Teens #16》,更令佢喺AVN頒獎禮獲提名「最受歡迎脫星」,另外喺Spank Bank頒獎禮亦獲提名「最令四仔迷興奮脫星」、「最具魅力脫星」以及「最火辣脫星」,呢個成績對出道未夠一年嘅脫星嚟講,真係相當出色。

之後,佢更踩入裸模界,為多本著名男士雜誌拍攝一系列寫真,成功打開歐洲市場,同唔少著名歐洲四仔片廠合作。Naomi Woods坦言實在超出自己嘅預期,因為從未諗過自己嘅四仔事業會發展得咁好。此外,佢仲做埋電視台嘅嘉賓主持,及參與演出電影《The Everglade Killings》,雖然瓣數多,但係佢仍不忘演出四仔,並喺2017年入選年度20位火辣脫星之一,勁呀!

社交網站

最近Naomi Woods同好多脫星一樣,除咗密密演出四仔外,更開設成人直播頻道,實行喺網上搵銀!佢話做直播可以隨時隨地演出,又可以即場發揮,令佢好有滿足感呀!

網址:https://twitter.com/lissapolooza

Profile

出生日期:1996年6月1日

身 高:165cm

三 圍:32C-24-34

撰文:魂