武俠小說《天龍八部》有一種絕世神功叫六脈神劍，練成者可用手指發出劍氣隔空傷人，其中用食指發功嗰招叫商陽劍，皆因商陽穴正正位於呢隻手指。原來商陽穴對於男士嚟講，係保健嘅重要穴位，只要得到適當嘅刺激，就可以達到強精壯陽嘅功效。
商陽穴，別名絕陽，屬於手陽明大腸經，位於食指尖端橈側指甲角旁，距指甲約0.1吋。
商陽穴被視為男性性功能保健嘅重要穴位，加以刺激，可強精壯陽之餘，亦可令大腸經氣血旺盛，調節消化道功能，加快人體嘅新陳代謝，並且可以達到延緩性衰老嘅效果。
用手指捏弄食指嘅商陽穴，每次約2至3分鐘，早、中、晚隨時可以做，就能達到刺激嘅效果。