除咗雞鴨鵝之外，仲有一種家禽大家成日都會食得到，冇錯！就係乳鴿喇！鴿肉被認為有補腎強身作用，據講因為鴿子嘅繁殖力很強，性慾旺盛，所以雄鴿成日都要同雌鴿頻密交配，原因係同佢哋嘅性激素分泌特別旺盛有關，所以有人就將鴿肉當成助陽氣嘅強身妙品，更認為鴿蛋亦具有強壯性機能、補益腎氣嘅作用，功效更勝鴿肉！
從中醫角度嚟睇，鴿蛋味甘鹹，性平，歸胃經、肺經、脾經、腎經，著名中醫典籍《本草綱目》指出：「鴿蛋祛寒生熱，溫肺化痰，靈舌促語，肥體生輝，激發性慾」。醫書《藥物之園》亦有記載，如果將鴿蛋與蜂蜜製成軟膏，再塗抹於陰莖及尿道口可以激發性慾。不過，呢種方法大家千祈唔好亂試，最好先詢問一下醫生意見。如果想食鴿蛋補身，可以將鴿蛋、桂圓肉以及枸杞，加冰糖煮成糖水飲用，以收補腎益氣作用。