有性趣:九淺一深由來

經常聽到有人話,性愛期間進行活塞運動時,使出「九淺一深」嘅交合動作,雖然字簡意明,但係大家又知唔知呢個技巧嘅出處呢?據稱出自古代房中術名著《素女經》,並收錄喺書中第八篇《九淺一深法》中,原文節錄為:「淺刺琴弦,入三寸半,當閉口刺之,一二三四五六七八九,因深之,至昆石旁往來,口當婦人口而吸氣,行九九之道訖,乃如此。」

動作有講究

原文中嘅淺其實係指距洞口吋半位置,而深則係指到達「昆石」為止。「昆石」又叫「昆岡」,即蜜洞同直腸子宮陷凹嘅連接處。喺來回衝擊嘅同時,男士要用口吸女伴呼出來嘅氣,如此反覆以九淺一深嘅方法交合,從而達至陰陽調和嘅功效。

日本保存《素女經》

雖然《素女經》相當著名,但原來佢係嚟自日本?據稱早喺公元2至3世紀所著嘅《列仙傳》中,便已提及以性養生方法嘅《素書》。唐初編修嘅《隋書.經籍志》亦收錄《素女秘道經》一卷,並也提及《玄女經》及《素女方》,可惜後嚟散失,反而喺公元982年,日本人丹波康賴所編嘅《醫心方》中卻保留《素女經》嘅原文,內容不但總合上述兩書,仲收錄《玉房秘訣》、《玉房指要》、《洞玄子》等性學典籍嘅內容,及至1902年學者葉德輝將《素女經》帶回中國。