製作材料多
「興戰立陽丹」收錄於明代洪基所著嘅《攝生總要》之中，而製作呢粒丹嘅材料分別係石燕三錢、陽起石三錢、海馬一對、全蠍一隻、酒浸至黃色嘅蛤蚧三錢、鹿茸三錢、腦麝三分、天麻子三錢、肉蓯蓉三錢。做法係先將肉蓯蓉用酒浸一晚，然後放喺砂鍋烘乾，跟住將所有材料碾成細末，再以甘草熬膏並搓成丸狀，每日服食7粒，據稱具有「大能久戰不敗」之效。
助陽補肺氣
材料中嘅全蠍即係乾蠍子，據中藥典籍中稱具有息風止痙、攻毒散結、通絡止痛嘅功效。至於蛤蚧則具有助腎陽、益精血、補肺氣、定喘嗽嘅作用，又好似同男士金槍不倒有啲關係喎！不過大家想自製呢粒丹的話，就似乎有啲難度，事關單係腦麝呢種藥材，已經唔係咁易搵到喇！