男人想強腰膝，補充腎氣，喺床上令對手爽到大叫救命，方法有唔少，適當地按摩命門穴就係其中一招！
命門穴位於腰部，背後正中線上第2腰椎棘突下凹陷處，正正係肚臍嘅正後方位置，亦係兩個腎俞穴嘅中間位。
根據中醫理論，命門穴有人體生命之門嘅含義，又稱為生命之根本，對男性嘅生殖能力有重大影響。另一方面，呢個穴位可以對體內各臟腑嘅生理活動帶來激發作用，正因為咁，經常刺激命門穴，可以強腎固本、強健腰膝、養生保健、滋腎壯陽，所以又被視為人體嘅長壽大穴。
刺激命門穴嘅方法有3種，包括：
1. 按摩：先將雙手搓揉到掌心發熱，再用掌心輕輕按摩穴位；另外，大家亦可以用拇指按壓此穴，每日2次，每次3~5分鐘。
2. 艾灸：用點着嘅艾條，放喺穴位外2~3厘米嘅距離施灸，以溫熱不灼痛為佳，灸到命門穴產生紅暈，每周2~3次，每次15分鐘。
3. 刮痧：塗抹刮痧用嘅油之後，由上向下刮動穴位約30次。