賣萌係現今十八禁遊戲嘅主流，好似呢款由Windmill Oasis製作嘅《祝福的Campanella Plus Stories》，就備受日本成人遊戲迷期待。作為《祝福的Campanella》嘅第二集，情慾場面香艷得嚟又夠可愛，加埋輕易上手嘅玩法，獲得支持唔難理解。新作嘅故事繼續發生喺埃爾塔利亞，呢個被稱為「世界寶物庫」嘅國度正值收穫祭，來自世界各地嘅冒險者、商人同遊客相繼湧入，身為冒險家嘅男主角萊斯特同公爵之女卡琳娜，亦相當期待呢一日。喺曳曳期間，兩人發現流星剛好落喺佢哋所在嘅塔頂，意外發現當中嘅隱藏房間，於是萊斯特同一眾後宮喺房內展開冒險新篇章，肉慾關係亦得到昇華。