中國醫學有上千年嘅歷史，而對房中術甚有追求嘅古代男性，自然想連場床戰仍然金槍不倒，故此便出現眾多補腎壯陽嘅偏方，其中就有「興陽保腎丹」。最早收錄於五代末期陳希夷所著嘅《房術玄機中萃纂要序》中，要製作此丹，需要備有菟絲子、潼蒺藜、桑螵蛸、肉蓯蓉、黃芪、紫菀各60克，茯神及白蒺藜各30克，製附子及肉桂各5克，鹿茸10克等。做法係將所有材料碾成細末，再加入煉蜜並搓成一粒小丸，每日服用兩次，每次服用6克，據稱可治男性因腎陽虛衰所致嘅陽痿精冷、滑泄不育，女性若有下元虛虧，帶下清稀等情況亦可服用。
明代洪基所著嘅《攝生總要》，亦收錄咗「興陽保腎丹」嘅偏方，只係佢嘅材料及功效卻有分別，桂心三錢、附子三錢、柏子仁五錢，仲有鹿茸，將所有材料碾成細末，再用煉蜜搓成小丸狀，每日服30粒，並以半碗溫酒送服，據稱有助男性陽威，仲具護腎作用，能久戰而不衰。
當中唔少材料至今都被視為壯陽妙品，其中「桑螵蛸」又係乜嚟呢？原來佢係螳螂嘅卵鞘，據稱固精縮尿，補腎助陽嘅作用。