一般嚟講，食菜都被認為係清心寡慾，不過有一種菜就可以令男人雄風大振，繼而令慾火提升，就係韭菜喇！佢又稱為豐本、草鍾乳、起陽草、懶人菜、長生韭、壯陽草，屬百合科多年生草本植物，味甘辛，性溫，入胃、肝、腎經。除咗係一種蔬菜，亦被視為振奮性強壯食物，具有補腎助陽、固精等功效，亦有治療陽痿、遺精、夢遺、肝腎陰虛盜汗、遺尿、尿頻等作用，有唔少中醫更會利用韭菜治療補腎陽虛、精關不固等。
韭菜不可與蜂蜜同食，因為韭菜與葱、蒜同科同屬，均為百合科葱屬，食物藥性都是辛溫而熱，又含蒜辣素和硫化物，與蜂蜜剛好相反，所以二者不可同食。另外，韭菜亦不可與菠菜同食，二者同食有滑腸作用，易引起腹瀉。
材料：韭菜150克，鮮蝦250克（去殼）。
功效：補腎益精、壯陽療痿。