周不時傳出具名氣嘅偶像級女星下海拍AV嘅消息，好似酒井法子、後藤真希等，最近又有一位女星被傳拍AV，佢就係前早安少女組成員加護亞依。話說AV廠SOD透露搵到一位名氣十足嘅女星做專屬女優，仲為佢特登開設一個名為「SOD Super Star」嘅新專屬女優系列，地位明顯仲要高過現時「STAR」系列嘅紗倉真菜、古川伊織等一線女優。SOD仲表示呢位超級女星曾經係頂級偶像團體成員，英文譯名為K字頭。
消息一出，火速引來AV迷熱烈討論及猜測到底係邊位女星，更有八卦雜誌言之鑿鑿話應該係前早安少女成員加護
亞依，佢嘅英文譯名係K字頭，早年因為負面新聞多多而搞到星途暗淡，所以被迫要拍AV搵錢喎！雖然傳亞依拍AV已經都唔係第一次，但係好多AV迷都表示終於可以見到呢位現年33歲嘅女星拍AV，都算係了咗一個心願。之不過亞依好快就喺社交網作出澄清，話消息不真確，自己亦冇計劃會拍AV，換言之大家嘅願望又再一下落空喇！另一方面，到底SOD搵到嘅大明星係邊位呢？暫時仲未有答案，請大家繼續耐心等待啦！