唔少人都有佩戴晶石嘅習慣，而不同晶石有不同嘅作用，例如黃晶就可以增強財運。不過中藥入面嘅黃精就同黃晶石無關，為百合科多年生草本植物、滇黃精或多花黃精嘅根莖，別名雞頭參、玉竹黃精等，味甘、性平，具有補氣及益腎養陰作用，絕對係男女都啱食，尤其係男人喺床上要有氣有力，食佢補氣力就最啱！以下就介紹相關食療畀大家。
源於《和劑局方》，以黃精補益脾腎、益精血功效，配上當歸協黃精補血，可以改善身體虛弱及精血不足。
做法：將黃精、當歸各等分，加水煎取出濃汁，再加蜂蜜適量煮滾用器皿盛載，冷凝成膏後，每次食一至二匙便可。