水魚壯陽氣絕冇搵笨

做人千祈唔好畀人當係水魚咁呃錢,但係食水魚就無妨,事關呢種食材好有益,尤其男人真係要試試!

別名多多

水魚又稱為鱉、團魚、圓魚、甲魚等,產地分布於中國多個省,包括湖北、安徽、四川、雲南、陝西、甘肅等地嘅湖泊、河塘,當然亦有人飼養啦!

一身是寶

水魚味甘,性平,有滋補肝腎、壯陽氣、涼血等功效,而且一身都係寶,無論頭、甲、骨、肉、卵、膽、脂肪都可入藥,用嚟炮製菜式亦相當好味。

營養豐富

據中醫藥典籍《日用本草》的記載:「鱉可補癆傷,壯陽氣,大補陰之不足。」對男士嘅好處不言而喻。事實上,水魚的營養價值豐富,含維他命A、維他命E、膠原蛋白、多種胺基酸、不飽和脂肪酸、微量元素等等,可提高免疫能力,促進新陳代謝,亦有養顏美容、延緩衰老嘅作用,可以話係一種相當健康嘅肉食,真係好啱鍾意食肉嘅男士。