青口有「海洋壯陽王」之稱，英國有性學家話，如果想準備一餐提升情慾嘅晚餐，就一定唔少得青口，不但可以催動女士情慾，男士更係雄風十足！
性學家話青口有壯陽作用，原來中醫方面亦認為青口對男士有壯陽功效。清代王士雄著嘅《隨宜居飲食譜》稱：「青口補腎，益血填精。」明代倪朱謨所撰《本草匯言》亦指：「凡腎虛贏瘦、勞熱骨蒸、眩暈盜汗、腰痛陽痿之人，食之最宜。」直言因腎虛而導致陽痿嘅男士，最宜食用青口進補。據五代時著嘅《日華子本草》中，更坦言：「煮熟食之，能補五臟，益陽事。」
青口含有多達百分之五十九嘅蛋白質，另有8種人體所需嘅氨基酸，脂肪含量為百分之八，當中大部分為不飽和脂肪，並且含有豐富嘅鈣、磷、鐵、鋅、維他命B等，因而又獲得「海中雞蛋」嘅稱號，對於房事頻繁嘅男士嚟講，具有補身嘅作用。
呢味餸菜對肝腎不足、精血虛虧、腰痛陽痿等均有幫助，做法係先準備青口10至30克、韭菜60克，用水洗乾淨青口，韭菜則切段，用油起鑊，加放入青口及韭菜炒熟後，再加上適量食鹽調味便可。