如果大家有去過蛇舖食蛇羹，應該會發現店內除咗有蛇之外，仲會見到另一種爬行動物，冇錯！就係蛤蚧，又稱大壁虎、仙蟾、大守宮，中醫對於蛤蚧嘅藥用價值有相當高嘅評價，味鹹、性平，具有補肺益腎、助陽益精功效，主治陽痿、遺精，對男人相當有益，原來關鍵就在於蛤蚧的乙醇提取物。
有實驗顯示，蛤蚧的乙醇提取物可以令小老鼠嘅前列腺及精囊增加重量，以及令交配時間延長，故具有增加雄性激素嘅作用。
另一個實驗結果，是蛤蚧的乙醇提取物具有加強豚鼠白細胞的運動力，以及提高免疫後血清嘅溶血含量，顯示具有提高免疫力嘅效果。
此外，從實驗中顯示可延長雄雌果蠅嘅平均壽命，亦可以提高果蠅嘅飛翔活力及耐寒力，故具有一定嘅抗衰老作用。
真品蛤蚧具備以下5個要點：
（1）呈圓方形扁平狀，長9cm至18cm，頭頸部約佔三分之一，腹背部寬6cm至11cm，尾長6cm至12cm；
（2）身體上有圓形或多角形具光澤鱗片，背部可見橙紅色斑點；
（3）頭部呈三角形，兩眼凹陷；
（4）足具5趾，趾底有吸盤；
（5）尾部有數條深淺相間環紋。